Мани лугьуз жедани бес?

Я бахтавар сару билбил,

Низ хьурай бес и зи къадир?

Жагъин тийиз ц!ару серин,

Мани лугьуз жедани бес?
Акурлахъди хъижез рик! т!ар,

Гъиляйни зи тефиз са кар,

Хажалатдив хьанваз рик! дар,

Мани лугьуз жедани бес?
Тум галачир жедач дергес,

Вуна фикир мийир, мирес,

Тахьайла вахъ ашкъи- гьевес,

Мани лугьуз жедани бес?
Яр такуна шумуд йисар,

Акъатиз физ гьикьван варцар,

Жаваб тагуз физваз йикъар,

Мани лугьуз жедани бес?
Хьайит!а вахъ пара дердер,

Рик!е туна хуьзва сирер,

Накъварикди хъижез вилер,

Мани лугьуз жедани бес?
Туькьуьл парар гьатна хиве,

К!анидан дерт аваз рик!е,

Ц!ай хьайила жуван къене,

Мани лугьуз жедани бес?

Метки: Мани, лугьуз, жедани